大學生一般有甚麼特質?(2)

大學生一般有甚麼特質?(2)

有睇過上一篇文章的你,希望你唔係半夜睇緊依篇文章。如果係的話,快些去休息,明早再睇過😊

其實要成為大學生話難唔難,話易唔易,首先要dse中得到應有既分數,然後配上足夠既實力同埋運氣(運氣對於邊緣分數既考生係非常重要),但對於中學生或小學生的你,究竟大學生是如何煉成的?

都係個句「我曾教導出不少大學生」,我發覺大部份學生都敢於面對困難,解決問題。現實是學生們於學習中總有不理解的地方,但大多學生都抱住得過且過的心態,日積月累,最後成績就一落千丈。例如修讀生物課,究竟身體使用的能源分為哪兩,三種可能很容易明白,但是能源由脂肪或者肌肉化為能量的化學轉變過程呢,自然不是一看就懂的。此時,如果同學心存饒幸,跳過去就算,下次考試出了題4分解釋,就遲了。

解決的方法不是沒有,就差在同學願不願意行出第一步。先把簡單的基本知識盡快弄好,然後集中火力對付艱難的原理或者問題。當然,問題未必馬上能夠解決,那麼開一本記事簿摘錄吧,並設下限期前完成題解,不明白的就問老師或同學,自自然然成績就會改善過來。

過兩日又開學喇!好好準備一下,調整下心情,開開心心迎接新學年喇!