家長一般會忽略的地方？（5）

剛剛忙完中學第一次測驗，又開始準備小學第一次考試，忙到文章都寫唔到。好不容易先出到第五篇，希望家長們喜歡喇！

訂定目標是很重要。大部份家長會為小孩子們訂定目標，而好多時最後卻落得虎頭蛇尾，一事無成。原因有三：一是目標過遠、二是目標過高或低、三是同時進行多個目標。只要犯了以上其中一項，小孩子一般都會跟目標愈來愈遠。

其中有一例子值得家長借鑒。大部份家長會以測驗/考試績合格為長遠目標，原因是認為他們讀唔成書，合格已經滿意。根據咁多年教學經驗，一般會出現兩種情況：一是考試成績差幾分先合格、二是成績合格，多一分都無。得罪講句，如果閣下子女讀緊碩士以上學歷的話，合格作為目標是理所當然（合格=畢業）。以測驗/考試績合格為長遠目標對於中、小學生的意義不大，作為短期目標都還可接受。此外，如果想他們短期內考試成績合格，就應該把目標訂高少少，約多10-15分左右。意外即是意料之外，他們都會犯錯，如做漏/睇錯題目、做唔切、題目/試卷問題等等。訂定高少少目標是給他們「走盞」位，這樣達成目標的機會率就會大大提升。

其實訂定目標不容易。如何訂定目標過高/低或遠？因此，我可以給家長一些訂定目標方向參考一下，請繼續留意傑靈補習網站/ Facebook/ Instagram。