2019文憑試之終極考試心法

仲有唔夠一星期就進入重頭戲,化學中文通識英文數學直落咁考,我諗學生們一定日以繼夜、夜以繼日咁埋頭苦幹地溫習。加油!其實要教既都教曬,要提醒既都提都七七八八,最後都給考Dse既學生一些考試心法,希望學生們花幾分鐘時間睇一睇。所謂「心態決定高度」,臨場發揮講求心理質素高與低,準備多少有關,以下有幾個考試心法給考緊文憑試的你參考下:

第一:考完就算

有好多學生考完之後,都會不斷地想起考試的情境,總是覺得自己考得唔好,之後影響埋其他科目,最後得不償失。其實考完個科之後,成績已經塵埃落定,不可再改變,唯一可以改變就係俾心機考完之後既科目,所以考試心法一就係「考完就算」。

第二:避免不必要的討論

學生一般會於考試後與其他同學討論或上各大討論區(高登、連登)及社交媒體(Facebook、ig) 等等,希望透過題解,從而得到肯定,大部分學生會認為這樣會減低考試壓力。可是,很多時候都事與願違,坊間的答案與自己所做的答案不一,這時反而會令學生的考試壓力變得更大。其實應屆考生的你短期內都唔會再考相關科目,就算求知識或重考都係考完之後的事,所以考試心法二就係「避免不必要的討論」。

第三:平常心面對考試 這是講就容易,做都非常困難的一件事情。不過學生們要記得dse只是人生中一小部分,不是全部,不要看得太重。係考試期間,緊張是少不免,只要盡力就可以。如果考試真係好緊張,平伏唔到心情的話,我建議學生們可以係學校內走走,參觀下學校的一樹一木,望一下遠處,深呼吸一下,這樣就可以暫緩考試壓力。希望以上考試心法可以幫到大家喇!親愛的2019考生們,加油!