開學已超過一個月，學生同家長們習慣新學年的生活嗎？準備好第一次測驗未？未就開始準備下喇！今日又想分享一件真人真事給學生同家長們，希望大家討論下。
事情發生於美國，有個9歲男仔Kade Lovell。他熱愛跑步，平時都有練習跑步，還會報名參與大大小小既跑步比賽，希望挑戰自己，尋求進步。有一次，他參加左一個由當地教會所舉辦既跑步比賽，賽事分為5k同10k兩個組別，而他就報名參加5K項目。比賽當日，由於指示牌指示不清晰，加上工作人員的失誤為他指示錯方向，讓他跑了10K既路線。專心比賽的他當時並不知道自己已經踏上「10K之路」，直到途中發現告示牌寫住10K，再留意到四周的跑手全部都是大人，他先意識到自己跑錯。可是他並沒有放棄，堅持繼續完成餘下賽事。衝線之後，工作人員上前告知他以48分鐘多成績奪得冠軍，成功擊敗一班平均30歲嘅選手，還比第二名快成一分鐘呢！
真人真事就分享到依到，唔知仲睇緊依篇文章的你得到甚麼啟發？最近，有好多家長搵我傾計，話他小朋友懶惰，成日唔溫書，玩手機，對他們都無期望，但求唔好俾學校投訴，成績合格就已經好滿意。可是，根據我多年教學經驗，即係非正式統計，小朋友只求合格，每次考試只想得過且過，最後十次考試一定會有七次唔合格。原因好簡單，試卷分數會打折。打折可能係大頭蝦咁做少左一頁、睇錯題、寫錯或寫漏左符號、單位等等。親愛的家長們，小朋友的潛能是遠遠超乎想像，不要局限於眼前，就好似Kade咁，你以為他只可以跑5k，原來他跑10k都可以拎冠軍，所以不可睇低佢地，快些跟子女們定立適合他們的目標，給他們多些鼓勵，最終的結果好多時都會有意外驚喜！