安心出行推出後，有朋友成日大頭蝦忘記按下「離開」，導致可能因為時間有重疊而多次強制檢測，真係慘慘豬。根據雅虎新聞報道，有市民到訪感染Omicron患者曾出現的地點，無啦啦進行7次強檢，仲有排隊輪侯，一搞就搞一日，影響工作和日常生活。 唔想好似咁引致不必要既麻煩，一係就叫外賣。如用安心出行，家長和學生們可透過應用程式內原有功能，將到訪時間設置為 1 小時，能讓市民更準確地記錄出行記錄，避免出現逗留時間過長，增加被系統認為需要多次強檢的機會。其實設置唔複雜，只需要四個步驟就可以。
- 掃描安心出行二維碼
- 掃描後，右下角會顯示「變更」選項
- 按下「變更」選項後，可設置自動離開時間
- 成功設置 1 小時後離開
以下有少少建議，如市民進入食肆，一般進膳時間約1小時，市民可設置成1小時後自動離開。或平日進出街市、購物等不用長時間逗留之地方，亦適合將離開時間設置為 1 小時。而 2 小時和 3 小時適用於戲院、劇場、大型展覽、酒吧或酒館、遊戲機中心等場合。4 至 5 小時則適用於演唱會、卡拉 OK 場所、體育處所、游泳池、健身中心等。但如到訪有可能停留超過 5 小時的場合，例如酒店、賓館或主題樂園，可能需要市民設置更多逗留時數，以確保能記錄正確的出行位置。
以安心出行手動設置離開場所，我諗大家都清楚明白，係依到唔再多講。都係個句，如有不幸需要強檢，不用害怕，請盡快到附近檢測中心做檢疫，愛香港愛家人朋友，謝謝！