學生們都知道我唔鍾意講自己學生有幾優秀，有幾叻，但係依到我都想講係無實體課情況下，你地考得咁好，拎左好多5**，我為大家而驕傲。
今次分享一個留級女學生升大學的辛酸故事。大概3年前黎左個好高大既女仔，佢分享自己以前從來唔溫書，表哥表姐好多名牌大學畢業，自己又係獨女，一直好怕自己升唔到大學，好想逃避，好大壓力，好迷惘，所以就算跟進一兩個月，成績不算是進步好多，學習之路都不是一帆風順。
咁學生點解會突然間由做留級生，做到大學生？原因好簡單，學習要有「耐性」、要「持之以恆」。其實講就容易，做就好困難，10個最多得2個做到，有少部分學生更堅持唔到一星期。你以為升大學咁容易，佢考Dse前幾個月中COVID-19，就算身體不適，頭痛都堅持繼續溫書。親愛的同學，你做到嗎？還有不足一星期，還做緊死線戰士嗎？開始預習新學年課本嗎？希望舊生既故事可以令大家反思一下，鼓勵一下，同時都祝大家新學年校園生活愉快，學業進步！