唔係棋班廣告，只是純粹個人經驗分享🙏🏻
以前學捉棋，一係上地區性象棋會學習，一係去內地書城買棋書；現今世代，你去學捉棋就簡單好多，除左可以去各大棋院會揾名師學棋，上淘寶選購心儀既棋書之外，還可以上YouTube 睇眾多中國象棋世界冠軍及特級大師直播。現今一個象棋學生，隨時可以跟緊10個象棋導師。如果累積幾年比賽經驗，棋藝想更上層樓，屆時可以選購象棋軟件或Ai機械人作輔助，這樣一定會有幫助。（詳情可以再向我查詢😉）
講番正題，有好多人會問邊到可以揾個最好既象棋導師？最好既導師會唔會係全國等級分最高的王天一特級大師，還是剛剛獲得世界賽冠軍孟辰特級大師？棋力越高就越難揾？以上皆不是。
答案是你的對手就是你最好既象棋導師。原因係就算有軟件，準確度達99.99%，你可以背棋譜，但生命有限，棋譜數量多到背唔晒，連世界冠軍都不能，何況你我呢？！
象棋不能夠紙上談兵，無可能聽人講棋就會識捉棋，棋局千變萬化，對弈過程能夠讓棋手感受棋局既變化，從中學習。因為有激烈既對弈，人類先會激起潛能，走出最精彩既棋局。好多時比上跟大師上10堂更有效率。當然，比賽完都要拆棋，檢討棋局，繼續學新野，咁先有進步。
今日先分享到依到，祝大家新年快樂！2024年棋開得勝！