作為家長,你一定好想小朋友喺象棋比賽入面取得好成績,但係孩子學象棋幾時先適合參賽呢?太早參賽可能會打擊信心,太遲又可能錯過成長機會。本文會詳細講解 2026 年香港學界象棋比賽嘅參賽資格、建議學習時數,同埋點樣幫小朋友做好心理準備,令比賽變成一次有意義嘅學習經歷。
點解唔建議太早參賽?
中國象棋而家係香港體育學院認可項目,競爭好激烈,好多參賽學生都係長期受訓、有系統學習超過一至兩年。如果只係學咗幾堂就去比賽,風險包括:
- 水平差距太大:學生可能連自己點輸都唔清楚,容易打擊信心。
- 心理壓力:小朋友對「輸」嘅承受力有限,連敗可能令佢哋失去興趣。
- 學習節奏被打亂:未打好基礎就參賽,容易忽略基本功同戰術思維嘅建立。
例如參加數學比賽一樣,未學夠公式就去參賽,學生只會輸,而且唔知輸喺邊。輸都係其次,而係輸咗之後仲鍾唔鍾意繼續學。
我哋嘅參賽建議(以 2026 年為基準)
🧒 初學者(未學過或只識基本行法)
- 每週一堂:建議至少學棋 超過一年 先考慮參加地區或棋院賽事。
- 學界賽事:建議學棋 超過兩年 先參賽。
⚠️ 例外情況
- 成日請假:學習期會更長,建議延後參賽。
- 天份較高:可提早試下比賽,但一定要同導師商量。
- 有疑問:一律建議問棋藝導師。棋道學生就直接問 林Sir 啦!
2026 年主要賽事一覽
🏫 學界賽事
- 2026 年全港中國象棋團體賽
- 第 69 屆體育節 — 楚河漢界・智匯全城 2026 年全港中國象棋快棋團體賽
- 2026 年度全港公開中國象棋個人賽
- 2026 年全港中國象棋學界分齡賽
🌍 地區賽事
- 荃灣國慶盃
- 橫車躍馬慶回歸中國象棋賽
- 第 27 屆元朗藝術節中國象棋比賽
- 棋枰傳薪·元朗厦村中國象棋公開賽 2026
- 第三屆九龍總商會盃
- 棋聚東區將帥棋盃賽
- 第兩屆離島智運會中國象棋大賽
- 佛教大雄中學中國象棋比賽(小學組)
🏛️ 棋院賽事
- 棋道盃第十三屆全港校際中國象棋比賽
- 夏季等級賽 2026
- 第 15 屆小棋聖盃
- 2025–26 棋藝晉級挑戰賽
如果小朋友已經報咗比賽點算?
我哋都好明白佢哋想試下,但建議:
- 做定心理輔導:同小朋友講清楚比賽係學習經歷,唔係一定要贏。
- 設定合理期望:重點係享受過程、吸收經驗。
- 賽後覆盤:同導師一齊檢討,將比賽變成進步嘅契機。
家長常見問題(FAQ)
Q1:小朋友學咗半年,可以參賽未?
如果係每週一堂嘅節奏,建議至少學滿一年先考慮地區或棋院賽事。學界賽事就建議學滿兩年。
Q2:比賽會唔會打擊小朋友信心?
如果準備不足,確實有機會。所以我哋建議做好心理輔導,同小朋友講清楚比賽係學習過程,輸贏唔係唯一目標。
Q3:點樣知道小朋友準備好未?
最直接嘅方法係問棋藝導師。導師會根據學生嘅棋力、心理質素同學習進度,俾出專業建議。棋道學生就直接問林Sir啦!
結語
比賽係好事,但時機好重要。我哋嘅目標係令學生長期鍾意象棋、持續進步,而唔係為咗參賽而參賽。如有任何疑問,歡迎隨時聯絡我哋或直接向林Sir查詢!
最後更新日期:2026 年 9 月

